Konfliktmekling

Eg kann mekla í fleiri ymsum sløgum av konfliktum. Meklingin verður skipað sum ein tilgongd har dentur verður lagdur á at endurskapa skaddar relatiónir, har samskiftið er steðgað. 

Mín leiklutur sum konfliktmeklari er at leiða samtaluna og stuðla pørtunum í at finna loysnir, sum virka og eru til ágóða fyri báðar partar ella allar partarnar.

Konfliktmekling kann umfata tveir ella fleiri partar, einstaklingar ella bólkar.

Konfliktirnar kunnu m.a. snúgva seg um:

•    Vinnumál
•    Starvsfólkamál
•    Samstarvsavbjóðingar
•    Grannastríð
•    Familjuósemjur
•    Arvastríð 
•    Hjúnaskilna
•    Kærir

 

Tilgongdin
Meklingin verður gjøgnumførd sum ein skipað tilgond við støði í tí refleksivu meklingsmodellini. Eg eri eisini roynd í øðrum modellum til konfliktmekling, sum verða nýttar eftir tørvi.

Tilgondin er skipað í 6 stigum:

​

Stig 1:     Vælkoma og byrjan við presentatión av tilgongdini og teimum sum eru tilstaðar
Stig 2:     Frágreiðing frá pørtunum og dialogur
Stig 3:     Tað konfliktin fevnir um verður nágreinað
Stig 4:     Partarnir seta fram uppskot til loysnir
Stig 5:     Partarnir samráðast um avtaluna
Stig 6:     Avtalan verður eftirkannað og góðkend